საქართველოს იმედი წიგნი 13, ძველი საქართველო – ის რაც დავკარგეთ.
„საქართველოს იმედის“ ხატზე ორას სამოცდაათამდე წმინდანია გამოსახული. ეს სერია მოიცავს ხატზე გამოსახული ყველა წმინდანის ცხოვრებას. ჩვენი პროექტის XII-XIII წიგნები ძველ საქართველოს ეძღვნება, ჩვენი სახელმწიფოსა და კულტურის აკვანს, ტაო-კლარჯეთს, და იქ მოღვაწე კლარჯ მამებს. ზოგიერთი მათგანი „საქართველოს იმედის“ ხატზეც არის გამოხატული, მათ შორის: წმინდა გრიგოლ ხანძთელი, წმინდათა შორის მამაი ჩვენი არსენ დიდი, კათალიკოსი; წმინდა ეფრემ დიდი, მაწყვერელი; ღირსი ზაქარია ანჩელი, მღვდელმთავარი; წმინდა მოწამე აშოტ კურაპალატი, არტანუჯის ტაძარში წამებული; წმინდათა შორის მამაი ჩვენი გიორგი მაწყვერელი; ღირსი მიქელ პარეხელი; ღირსი დედა ფებრონია. მომდევნო წიგნებშიც თანმიმდევრულად გაცოცხლდება თქვენს თვალწინ ქრისტიანობის ისტორია საქართველოში და ხატზე გამოსახული თითოეული წმინდანის ცხოვრება.
